ከዚህ ቀደም የደረሰኝ ህትመት ጥያቄ ማቅረብ የሚቻለው እስከ ጥር 30 ቀን 2017 ዓ.ም ብቻ መሆኑ በተገለጸው መሰረት ቁጥራቸው 45,226 የሆኑ ግብር ከፋዮች የህትመት ጥያቄ ማቅረብ መቻላቸውን የገቢዎች ሚኒስትር ክብርት ወ/ሮ ዓይናለም ንጉሤ ከክልል እና ከተማ አስተዳደር የገቢ ዘርፍ አመራሮች ጋር በበይነ መረብ ባደረጉት ውይይት ገልጸዋል፡፡

ሆኖም በተለያዩ ምክንያቶች የህትመት ጥያቄያቸውን ያላቀረቡ ግብር ከፋዮች መኖራቸውና ይህን ታሳቢ በማድረግ የህትመት ጥያቄ ማቅረቢያ ቀነ ገደብ እስከ የካቲት 30 ቀን 2017 ዓ.ም ድረስ እንዲራዘም በውይይቱ ተወስኗል፡፡

እንደ ሀገር በገቢው ዘርፍ የሚሰተዋሉ ክፍተቶችን ለማረም በርካታ የሪፎርም ስራዎች እየተሰሩ መሆኑን ክብርት ሚኒስትር ወ/ሮ ዓይናለም ንጉሴ በውይይቱ የገለጹ ሲሆን በተለይም የማንዋል ደረሰኝ አጠቃቀም እና አስተዳደር ስርዓትን በማሻሻል የሚፈለገውን የገቢ ዕድገት ማስመዝገብ ያሰፈልጋል ብለዋል፡፡

ልዩ መለያ ኮድ (QR Cod) የተካተተበት ሚስጥራዊ የደረሰኝ ህትመት ሥርዓትን ወደስራ ማሰገባት የሚያስፈልግ መሆኑን ያስገነዘቡት ሚኒስትሯ እስከ አሁን ባለው አፈፃፀም ውጤታማ ስራዎች ተሰርተዋል ሲሉ ተናግረዋል፡፡

 

ቢሮው በታክስ ኦዲት አፈፃፀም የሚስተዋሉ ክፍተቶችንና የኦዲት ውሳኔ ጥራትን ማሳደግ ይቻል ዘንድ ከኤች.ኤስ. ቲ አማካሪ የግል ኩባንያ ጋር በመተባበር ከዋና ቢሮና ከሁሉም ቅርንጫፍ ጽህፈት ቤት ለተወጣጡ የኦዲት ባለሙያዎች ስልጠና እየሰጠ ይገኛል ።

ስልጠናው በኩባንያው ሲኒየር የታክስ ማናጀር በአቶ ማሞ አብዲ እየተሰጠ ሲሆን ዓላማውም የታክስና ኢንተሊጀንስ ኦዲተሮቹ በታክስ ኦዲት አፈፃፀምና ውጤታማነት ፣ በአለም አቀፍ የፋይናንስ ሪፖርት አሰራር እንዲሁም በደንበኞች አገልግሎት ዙሪያ በቂ ክህሎትና ዕውቀትእንዲኖራቸው ለማስቻል ነው ብለዋል ።

አያይዘውም ከስልጠናው መልስ ባለሙያዎቹ የህግተገዥነትን በማሳደግ በፈቃደኝነት ግብሩን የሚከፍል ማህበረሰብ መፍጠር ፣ ጥራት ያለው የኦዲት ውሳኔና ሪፖርት ማውጣት ፣ ፍትሀዊ የሆነ የታክስ ስርዓት እንዲሰፍን ማስቻል ፣ ሙያው የሚጠይቀውን ስነ ምግባር በመላበስ የተጣለባቸውን ኃላፊነት በአግባቡ መወጣት እንዲሁም ሙያዊ ብቃታቸውን በማሳደግ በገቢ ዘርፍ የሚታዩ የአልግሎትና የመልካም አስተዳደር ክፍተቶችን በመለየትና በመሙላት የሚጠበቀውን ገቢ በአግባቡ ለመሰብሰብ ማስቻል እንደሆነ አስገንዝበዋል ።

ስልጠናው ለ3ቀናት የሚሰጥ ሲሆን ከዋና ቢሮና ከሁሉም ቅርንጫፍ ጽህፈት ቤት ለተወጣጡ የታክስ ኦዲትና ኢንቨስትጌሽን ኦዲት ባለሙያዎች እየቸሰጠ ይገኛል ።