Biiroon Galiiwwanii Oromiyaa leenjii dandeettii raawwachiisummaa cimsuu Hojjettoota Biiroo sadarkaan jiraniif kennuu itti fufee jira...

Biiroon Galiiwwanii Oromiyaa leenjii dandeettii raawwachiisummaa cimsuu Hojjettoota Biiroo sadarkaan jiraniif kennuu itti fufee jira...
@@@
''Qajeelfamoonni Biiroo Galiiwwan Oromiyaan ba'u haal-duree tokko malee hojiirra ooluu qaba'' jedhan Hoogganaan I/A Biiroo Galiiwwan Oromiyaa Obbo Goosaa Fayyisaa.
@@@
Hoogganaa I/A Biiroo Galiiwwan Oromiyaa obbo Goosaa Fayyisaa haasaa taasisaniin karoorri hojii tokko galma akka ga'uuf namni fi hojiin wal-arguu irra darbee walitti dhufeenyi hojjettootaa cimuun murteessaa akka ta'e yaada kan kennanii fi dandeettii raawwachiisummaa hojjettoota keenyaa sadarkaa barbaadamu irraan ga'uuf bara kana ogeessoota 4000 ol leenjisuun akka danda'ame ibsanii jiru.
@@@
Itti dabaluun Obbo Goosaan akka jedhanitti karoora qabame galmaan gahuuf hojii bal'aa hojjetamaa jiran keessaa; hooggansa humna namaa cimsuu, naamusa gaarii hojjettootaa jabeessuu, keessoo mana hojii qulqulleessuu, aadaa hojii walitti kennanii walharkaa fuudhuu cimsuu fi faayidaa hojjettootaa akka mirkanaa'uuf hojii bal'aan hojjetamuu isaa dubbatanii jiru.
Kanumaan wal-qabatees kabajamoo obbo Goosaa Fayyisaa yaada hirmaattootaaf kennaniin manni hojii keenya haala hawwattummaa kenna tajaajilaa dabaluuf dhimmi naamusaa fi hojimaataa dhimma ijoo akka ta'e beekamee hojjetamuu akka qabu; kanaafis qajeelfamoonni yeroo yerootti akka Biirootti ba'anii gadi bu'an haal-duree tokko malee hojii irra ooluu akka qaban kallattii kennanii jiru.
&&&
Leenjiin kun Abbootii adeemsaa, qindeessitootaa fi ogeessoota Qabeenya Namaa fi ijaarsa dandeettii fi qondaaltoota naamusaa sadarkaa Naannoo irraa hanga Aanaatti jiran hojjettoota 800 oliif mata dureewwan Dambii bul/Hojjettoota Biiroo Galiiwwanii Oromiyaa, Maalummaa fi miidhaa malaammaltummaa, Maalummaa Istaandardii kenna tajaajilaa fi madaallii irratti kan kennamu ta'a.