Biiroon Galiiwwanii Oromiyaa Guyyaa Ayyaana Sabaa fi Sab-lammootaa mata duree Hedduminnii fi Wal-qixxummaan Tokkummaa Biyyaalessaaf!! Jedhuun fi kabaja guyyaa ayyaana Farra Malaammaltummaa taasisee jira.
&&&&
Kabaja guyyaa ayyaanaa kana irratti argamuun haasaa kan taasisan Sad.I/A/Pir.tti Hooggantuun Biiroo Galiiwwan Oromiyaa Kab/Aadde Maskaram Dabbabee akka jedhanitti guyyaa kana arguuf osoo hawwanii hin argin namoonni darban baayyee ta'uu isaanii yaadachiisuun guyyichi guyyaa Mirgi Sabaa fi Sab-lammootaa heera mootummaan wabii argate, guyyaa mirga keenya kabajuu fi biyya bulchuuf carraa arganne waan ta'eef namni hundumtiyyuu walqixxummaan sabootaa akka mirkanaa'u guchuu keessatti qooda isaa ba'uun obbolummaan biyya keenya keessatti hundee cimaarra akka dhaabbatu gochuun barbaachisaa akka ta'e yaada kaasanii jiru.
Itti dabaluunis kabajamoon Aadde Masakaram Dabbabaa dhimma deeggersa hidha laga Abbayiif Dhugaa waloo sabaa fi sablammootaa kan ta'e hidha laga Abbaayiif deeggeersa ni goona jechuun hojjettootni Biiroo Galiiwwanii Oromiyaa miindaa isaanii ji'aa irraa %60 kaffaluu isaaniif galateeffachaa hojii deeggersaa kana hanga hojichi xumuramutti hamilee guddaadhaan itti fufamuu akka qabu kallattii kennanii jiru.

Biiroon Galiiwwanii Oromiyaa piroppozaala Qorannoo Dandeettii Galii Maddisiisuu Naannoo Oromiyaa Yuuniversiitii Naannoo Oromiyaatiin bara kanaaf qophaa'e waliin ta'uun gamaaggamee jira.
&&&&&
Sad. I/A/Pir.tti Hooggantuun Biiroo Galiiwwan Oromiyaa kab. Aadde Maskaram Dabbabaa akka jedhanitti Mootummaan dhimma kanaaf xiyyeeffannaa addaa kennee bajata ramaduun hojichi akka hojjetamu Hooggansa taasisaniif galata guddaa qaban dhiyeessanii qorannoo kana irraa bu'aa guddaan kan eeggamu akka ta'ee fi muuxannoo hojii qorannoo baroota darbanii ka'umsa godhachuun sirnaan xiyyeeffannoon itti kennamee yoo raawwatame qorannoon kun humna galii mootummaa sadarkaa ol'aanaa irra kan geessisuu fi fayyadamummaa hawaasaa daran kan dabalu akka ta'e beekamee hojicha kutannoo fi waldhaga'uun akka hojjetamu ibsanii jiru.
Haaluma wal-fakkaatuun I/A/Hog. fi I/G/Damee Misoomaa fi Bul/Taaksii Obbo lammeessaa Ayyalaa yaada kennaniin qorannoon haala walfakkaatuun baroota darban Yuniversiitii N/O waliin taasifame humna galii maddisiisuutiin eessa akka jirru kan nutti agarsiise, ofitti amanamummaa kan dabale, karoorri keenya bu'uura qorannoo akka ta'u kan taasise akkasumas dandeettii raawwachiisummaa keenya kan dabale akka ta'e kaasanii jiru.
&&&&&&