Biiroon Galiiwwan Oromiyaa Leenjii Qindeessitoota Garee Hordoffii fi Sassaabbiif kennuu har'a magaalaa Baatuutti eegale.
@@@
I/A/Hoogganaa fi I/G/Damee Modernaayizeeshinii fi Koropporeetii BGO Obbo Gosaa Fayisaa eegalamuu leenjichaa irratti argamuun yaada kennaniin bara kana Biiroon Galiiwwanii sadarkaan jiran 'job rotation' kan gaggeesseef hojjetaa fi hojii walitti fiduuf yaadamee akka ta'e dubbatanii barbaachisummaan leenjichaas hojjetaa gita hojii irratti ramadame irratti gahoomsuuf jedhamee akka qophaa'e ibsanii jiru.
Itti dabaluunis obbo Gosaan akka kaasanitti kaayyoon leenjii kanaa jijjiirama fiduuf sababa ta'eef hojjetaan hamilee cimaa horatee maal karoorfadheen maal raawwadhe, hojiin waajjirichaa kamiyyuu na ilaallata jechuunii fi aadaa waliin hojjechuu cimsuun humni Oromiyaa karoora galii qabameen ol sassaabuu akka danda'u beekee karoora bara kanaa galmaan gahuu irratti xiiqiidhaan hojjechuu akka qaban kallattii kaa'uun leenjicha jalqabsiisanii jiru.
Horaa Bulaa!!
&&&&
Galiin Kabaja Biyyaaf!!!

Leenjiin Jijjiirama Waa maraaf!!
&&&
Leenjiin Biiroo Galiiwwanii Oromiyaatiin magaalaa Baatuutti daayirekteroota murtii taaksii magaaloota 'Regio Politan' fi qindeessitoota murtii fi odiitii taaksiitiif kennamaa ture goolabame.
@@@
Sagantaa xumura lenjii kanaa irratti kan argaman I/A/Hoogganaa fi I/G/Damee Bul/Taaksii Obbo Lammeessaa Ayyalee haasaa taasisaniin Biiroon Galiiwwanii Oromiyaa waggoottan darbaniif leenjii adda addaa kennuun gahumsaa fi dandeettii raawwachiisummaa hojjettootaa cimsuu fi sirna hojimaata Biiroo ammayyeessuun ofcimsaa sadarkaa amma irra jiru irraa kan ga’e ta’uu kaasanii jiru.
@@@
Dabalataanis obbo Lammeessaan yaada kaasaniin leenjiin kun maaliif yeroo kana garee amma leenji’aniif durfamee kenname kan jedhu hubachuun barbaachisaa akka ta’e fi leenjii kana bu’uura godhachuudhaan hojjettootni :-
@ Gita hojii irratti ramadaman irratti gahumsa hojii qabaachuu,
@ Bu’a qabeessa ta’uuf kutannoo qabaachuu,
@ Jijjiirama fiduuf of qopheessuu,
@ Madda galii sakatta’anii baasuuf qophaa’ummaa qabaachuu,
@ Seera taaksii kabachiisuu danda’uu,
@ Karoorri bara kanaa dandeettii dinagdeen naannoo keenyaa maddisiisu danda’u irratti kan hundaa’e ta’uu hubachuu,
@ Hojjetaan kamuu karoora dhuunfaa kan waggaa, ji'aa fi torbanii qabaachuu,
@ Hojimaata haaraan of ijaaraa deemu,
@ Malaammaltummaa irraa of-qusachuun hojii itti kenname galmaan ga’uun milkaa’ina karoora bara kanaaf murteessaa akka ta’e kaasanii karoora xiiqii bara kanaa akkasitti gahumsaan raawwachuun Naannoo Oromiyaa yeroo dhiyoo keessatti biyya keenyaaf fakkeenya guddaa akka taatu gochuun leenjifamtootaa fi hojjettoota hunda irraa akka eegamu kaasanii yaadaa fi gaaffii hirmaattoota irraa ka'eef deebii kennuun saganticha goolabanii jiru.
@@@
Dhumarrattis Leenjiin haala kanaan kennamuun isaa gaarii akka ta'e, dandeettii raawwachiisummaa hojjettootaa kan cimsee fi miira hojii gaarii nama keessatti kan uume akka ta'e yaada hirmaattoota irraa ka’een beekuun dandaamee jira.